Live WWDC 17 - Apple WWDC 2017 Keynote - iOS 11, macOS 10.13, watchOS 4, NEW iPad Pro, Siri Update

Live LocalElection 2074

Nepali Unicode Converter

Dobbar Paisa Back

सर्वसाधारणलाई खुला वाइम्याक्स

Monday
नेपाल टेलिकमले द्रुत गतिको ब्रोडब्याड सेवा वाइम्याक्स बुधबारबाट सर्वसाधारणलाई बिक्री गर्ने भएको छ । हालसम्म कम्पनीलाई मात्र दिइँदै आएको उक्त सेवा एयरम्याक्स टेक्नोलोजी र युनिटेक नेटवर्कसँगको सहकार्यमा टेलिकमले सर्वसाधारणलाई दिन थालेको हो । काठमाडौं उपत्यकाभित्र सुन्धारा र जावलाखेलस्थित कम्पनीको काउन्टरका साथै पुतलीसडक, दरबारमार्ग, कुपन्डोल र नयाँबानेश्वर स्थित निजी कम्पनीका बिक्री केन्द्रबाट यो सेवा खरिद गर्न सकिने छ । उपत्यका बाहिर भने नेपाल टेलिकमकै कार्यालयको बिक्री केन्द्रबाट सेवा खरिद गर्न सकिने कम्पनीले जनाएको छ । वाइम्याक्स चलाउनका लागि ग्राहकले एक उपकरण सीपीई खरिद गर्नुपर्छ । तीन प्रकारमा उपलब्ध यो उपकरणको मूल्य ५ देखि ७ हजार रुपैयाँ तोकिएको छ । उपकरण जडान गरेपछि ग्राहकले आफूलाई पायक पर्ने २ सय ५६ केबीपीएस, ५ सय १२ केबीपीएस वा १ एमबीपीएस क्षमताको प्याकेज लिन सक्ने छन् । यी प्याकेजको अवधि १ महिना, ३ महिना वा १ वर्षको छ ।
कम्पनीले तीन महिना र एक वर्षको प्याकेज खरिद गर्नेलाई क्रमशः ५० र १५ प्रतिशत छुटको व्यवस्था पनि गरेको छ । कम्पनीका अनुसार २ सय ६५ केबीपीएस स्पिडको ५ जीबी डाटा प्याकेजको मासिक शुल्क ६ सय ५० रुपैयाँ राखेको छ । सोही डाटा ५ सय १२ केबीपीएस स्पिडमा लिँदा ८ सय ५० र १ एमबीपीएसमा लिँदा १३ सय ४० रुपैयाँ शुल्क लाग्छ । वाइम्याक्स सेवा कणर्ालीबाहेक मुलुकका १३ अञ्चल ४९ जिल्लामा उपलब्ध हुन थालेको छ । आगामी दुई महिनाभित्र बाँकी स्थानमा पनि सेवा सुरु गर्ने योजना टेलिकमको छ । फोरजी प्रविधिमा आधारित वाइम्याक्स मुलुकमा उपलब्ध सबैभन्दा आधुनिक रहेको टेलिकमको दाबी छ ।




प्रकाशित मिति: २०६९ चैत्र १२ १०:५०(ekantipur)

No comments:

Post a Comment