Live WWDC 17 - Apple WWDC 2017 Keynote - iOS 11, macOS 10.13, watchOS 4, NEW iPad Pro, Siri Update

Live LocalElection 2074

Nepali Unicode Converter

Dobbar Paisa Back

इन्टरनेटमा स्वतन्त्रता खतरामा

Saturday
आमसञ्चार क्षेत्रका सरोकारवालाहरुले वाक् तथा अभिव्यक्तिको स्वतन्त्रताको संवैधानिक हक खतरामा रहेको बताएका छन् । नेपाल पत्रकार महासंघ र इन्टरनेट सोसाइटी नेपालले गरेको अभिव्यक्ति स्वतन्त्रता र इन्टरनेट विषयक अन्र्तक्रियाका सहभागिहरुले इन्टरनेटको माध्यममा नागरिकको त्यसखालको स्वतन्त्रतामाथि खतरा रहेको बताएका हुन् ।
वाक् र अभिव्यक्ति स्वतन्त्रताका क्षेत्रमा प्रविधिको विकासले अवसरसँगै विभिन्न चुनौती थपिएको उनीहरुले बताए । अन्र्तक्रियामा नेपालमा अनलाइन क्षेत्रमा नीतिगत सून्यता रहेको उनीहरुले भनाइ थियो । कार्यक्रममा सहभागी पत्रकार, ब्लगर र अनलाइन मिडिया सम्बद्धहरुले सामाजिक सञ्जाल र इन्टरनेटको व्यापक प्रयोगले मिडियाको मान्यता र प्रभावमा फरक पारेको बताए ।
कार्यक्रममा इन्टरनेट सोसाइटी नेपालका अध्यक्ष बाबुराम अर्यालले दूरसञ्चार क्षेत्रको नियामक नेपाल दूरसञ्चार प्राधिकरणमा रहेको जुनसुकै बेला जुनसुकै वेबसाइट बन्द गराउन लगाउने अधिकारका कारण इन्टरनेटमा अभिव्यक्ति स्वतन्त्रता खतरामा रहेको बताए । ‘प्राधिकरणले दिएको कुनै पनि वेबसाइट ब्लक गर्ने निर्देशन दिने र त्यसलाई सबै इन्टरनेट सेवा प्रदायकले मान्नुपर्ने अवस्था हुँदा त्यसले अभिव्यक्ति स्वतन्त्रतामा गम्भिर प्रभाव पार्छ’ अर्यालले भने । उनले देशमा रहेका मुख्य १० वटा इन्टरनेट सेवा प्रदायकलाई दिइने एउटै निर्देशनले वाक् तथा अभिव्यक्ति स्वतन्त्रता हनन हुन सक्ने अवस्था रहेको बताए । प्राधिकरणको इन्टरनेट तथा इमेल सेवा सञ्चालन सम्बन्धी निर्देशिकामा नै ‘सेवा संचालन सम्वन्धमा प्राधिकरणबाट समय समयमा दिएको निर्देशनको पालना गर्नू पर्नेछ’ भनिएको छ ।
पत्रकार महासंघ सदस्य तथा डिजिटल मिडिया संयोजक उज्ज्वल आचार्यले वाक् तथा अभिव्यक्ति स्वतन्त्रताका सन्दर्भमा इन्टरनेट सेवा प्रदायकलाई पनि सरोकारवाला निकायका रुपमा राख्नुपर्ने बताए । कार्यक्रममा हालै पत्रकार महासंघले पत्रकारहरुमाझ गरेको सोसल मिडिया सर्भेको सारांश पनि प्रस्तुत गरिएको थियो ।

No comments:

Post a Comment